Мұндай норма "Қазақстан Республикасы мен Халықаралық Қайта құру және даму банкі арасындағы "Қарыз туралы келісімді ("Экономиканың инклюзивті және орнықты өсуі" даму саясатын қаржыландыруға арналған қарыз") ратификациялау туралы" заң жобасында қамтылған. Мәжіліс депутаты Татьяна Савельева аталған құжат Үкіметтің қаулысымен 2024 жылғы 18 қарашада енгізілгенін атап өтті.
"Аталған келісім Астанада 2024 жылдың 11 қазанында жасалды. Халықаралық Қайта құру және даму банкі Қазақстан Республикасына өтеу мерзімі 11 жыл болатын 84,9 млрд иен сомасында қарыз ақша береді. Қарыз қаражаты жоспарлы кезеңге арналған республикалық бюджет тапшылығының бекітілген мөлшері шеңберінде ел экономикасының орнықтылығын қолдау үшін тартылды. Қаржы және бюджет комитеті осы заң жобасы бойынша қорытындыны дайындауға дайын", - деді ол.
2024 жылғы 13 қарашада ҚР Парламенті Мәжілісінің депутаттары Қазақстан экономикасының тұрақтылығын қолдау үшін 105 млрд иеннен астам сомаға екі халықаралық қаржы ұйымынан қарыз ақша тартуды көздейтін заңның екі жобасын қарауға алғаны белгілі.
