Сауда қорытындысы бойынша доллардың орташа өлшенген бағамы 464,53 теңгені құрап, тағы 1,44 теңгеге қымбаттады.
Еуро бағамы 544,10 теңге болды.
Ресей рублінің бағамы 6,16 теңгеге дейін төмендеді (-0,01).
Қытайдағы мереке күндеріне байланысты юань бойынша сауда жүргізілген жоқ.
Айырбастау пунктерінде доллар 463,2–465,2 теңге аралығында сатып алынып/сатылуда, еуро – 542,9–547,9 теңге, рубль – 5,94–6,08 теңге деңгейінде.
Әлемдік мұнай бағасы 4 мамырда өсім көрсетті.
Атап айтқанда, ICE Futures биржасындағы Brent маркалы мұнайдың шілде фьючерстері 1,50%-ға өсіп, барреліне 109,79 доллар болды.
NYMEX биржасында WTI мұнайының маусым фьючерстері 1,42%-ға қымбаттап, 103,39 доллар деңгейіне жетті.
Таңертең Қазақстан Ұлттық банкі доллар бағамын 462,91 теңге, еуроны 542,16 теңге, рубльді 6,16 теңге деңгейінде белгілеген еді.
4 мамырдың бірінші жартысында валюта айырбастау орындарындағы бағамдар туралы ақпарат бұған дейін жарияланған болатын.