Телефонмен сөйлесу барысында «KAZAKH INVEST» ҰК» АҚ мекенжайы және сайты аталады, сонымен қатар олар инвестициялау үшін, «KAZAKH INVEST» ҰК» АҚ ресми сайтында тіркелу, жеке кабинет ашу, бағдарламаны жүктеу және жинақтардың жылдам өсуі үшін акцияларға жеңілдіктерді ескере отырып, қаржылық және тауарлық халықаралық биржаларда (тауар-шикізат нарығында, бағалы металдар нарығында және т.б.) сауда операцияларын жүргізу мақсатында депозитті толықтыру арқылы қосымша табыс алуды ұсынады.
Заңды және жеке тұлғалардың белгісіз банктік шоттарының деректемелерін қамтитын ақша алу мүмкіндігі туралы хабарламалар немесе қоңыраулар көп жағдайда алаяқтық әрекеттерді көрсетеді.
«KAZAKH INVEST» ҰК» АҚ ақша қаражатын аудару немесе күдікті операцияларды жүргізу туралы өтінішпен телефон қоңырауларын елемеуге кеңес береді.
«KAZAKH INVEST» ҰК» АҚ қаржы институты болып табылмайды және қаржы-кредит жүйесіне қатысатын ұйым, банк, сақтандыру компаниясы, инвестициялық (инвестициялық компания) және зейнетақы қоры болып табылмайды. Өз қызметін жүзеге асыру шеңберінде брокерлік және (немесе) дилерлік қызметпен айналыспайды, қаржы құралдарымен (ақшамен, акциялармен, облигациялармен және басқа да бағалы қағаздармен) мәмілелер жасамайды, кредиторлар мен қарыз алушылар арасында, инвесторлар мен жинақ берушілер арасында делдал болып табылмайды, жеке және заңды тұлғалардың шоттарына қызмет көрсетпейді және ақшалай есеп айырысулар мен мәмілелер жасамайды.
«KAZAKH INVEST» ҰК» АҚ (акциялардың 100% мемлекетке тиесілі) ұлттық институт және инвестициялық жобаларды іске асырудың перспективалары мен шарттарын талқылау кезінде ҚР Үкіметінің мүдделерін білдіретін бірыңғай келіссөз жүргізуші болып табылады.
«KAZAKH INVEST» ҰК» АҚ атынан ақша қаражаттарын аудару (инвестициялау) туралы күдікті ұсыныстар немесе қоңыраулар түскен жағдайда, тұрғылықты жеріңіз бойынша құқық қорғау органдарына хабарласуға кеңес береміз.
