Қазгидромет 1 желтоқсанға арналған ауа райы болжамын ұсынды, деп хабарлайды Zakon.kz.
Метеорологтардың мәліметінше, республиканың басым бөлігінде антициклонның әсерінен жауын-шашынсыз ауа райы сақталады.
Алайда кей жерлерде тұман, көктайғақ болып, жел күшеюі мүмкін.
Батыс Қазақстан облысының солтүстігінде тұман, көктайғақ күтіледі, батыста, солтүстік-батыста жел 15-20 м/с күшейеді.
Атырау облысының солтүстік-батысында және орталығында тұман түседі, күндіз облыстың батысында жел 15-20 м/с күшейеді.
Маңғыстау облысының батысында тұман күтіледі, орталықта жел 15-20 м/с күшейеді.
Ақтөбе облысының батысында түнде көктайғақ, бұрқасын болады, облыстың батысында, солтүстігінде және орталығында жел 15-20 м/с күшейеді.
Қостанай облысында жел 15-20 м/с күшейеді, облыстың батысы мен солтүстігінде көктайғақ, тұман, бұрқасын болмақ.
Солтүстік Қазақстан, Ақмола облыстарының солтүстік-батысында 15-20 м/с жел тұрады, күндіз Солтүстік Қазақстан облысында боран соғып, көктайғақ болады.
Қызылорда облысының солтүстігінде, Жамбыл облысының таулы және тау бөктерінде тұман түседі.
Алматы облысының Алакөл көлінде желдің жылдамдығы 18-23, екпіні 28 м/с жетеді.
Нұр-Сұлтанда көшпелі бұлт шығады, жауын-шашынсыз болады деп болжанып отыр.
Ауа температурасы түнде -16-18°С, күндіз -3-5 °С.
Алматыда күн ала бұлтты, жауын-шашынсыз.
Ауа температурасы түнде 0°С, күндіз +8+10°С.
Шымкентте көшпелі бұлт шығады, жауын-шашынсыз болады.
Ауа температурасы түнде +1+3°С, күндіз +18+20°С.
