ҚР басым бөлігіндегі ауа райы жауын-шашынсыз болады. Тек еліміздің батысы мен оңтүстігінде атмосфералық фронттар өтетіндіктен, ауа райы тұрақсыз болады, қар жауады, оңтүстікте жаңбыр жауады, жел күшейеді. Республика бойынша кей жерлерде тұман түседі. "Қазгидромет" РМК
Синоптиктер Алматы облысының солтүстігінде тұман түсетінін болжап отыр.
Қызылорда облысының солтүстігінде тұман түседі, түнде облыс орталығында желдің екпіні 15-20 м/с-ке жетеді.
Жамбыл облысының солтүстігінде, таулы аймағында тұман түсіп, желдің екпіні 15-20 м/с-ке дейін күшейеді.
Шығыс Қазақстан облысының солтүстігінде, оңтүстігін тұман басады, түнде облыстың оңтүстігінде жел 15-20 м/с-ке дейін күшейеді.
Ақмола облысының оңтүстігінде, батысында, Солтүстік Қазақстан, Павлодар облыстарының оңтүстігінде, Түркістан облысының тау бөктеріндегі аудандарында, Батыс Қазақстан, Атырау облыстарының солтүстік-батысында, Маңғыстау облысының солтүстігінде, орталығында, Қостанай облысының шығысында тұман түседі.