Күн райын болжаушылар биылғы қыстың жылы болғанын айта келіп, алдағы үш күннің де суық болмайтынын мәлім етті.
Синоптикалық процестер тез өзгеріп, бірде аяз, бірде жылу әкелуде. Қазірдің өзінде тағы бір антициклон ел аумағынан шығып, аяз алып келді. Ал батыстан циклон тез қозғалуда. Ол еліміз арқылы жылжып, 15 қаңтар күні Қазақстанның барлық облыстарын қамтитын болады. Аталмыш циклон жаңбыр мен қар, екпінді жел мен көктайғақ ала келеді. Ал термометр бағаналары тез көтеріледі, тіпті солтүстік аймақтарда күндізгі уақытта 0-5 градус қана көрсетеді.«Қазгидромет» РМК