Съезде ҚҰП төрағасы қызметіне Ермұхамет Ертісбаевтың кандидатурасы ұсынылды. Бәрі кандидатты бірауыздан мақұлдады. Ермұхамет Ертісбаев партия мүшелеріне сенім білдіргендері үшін алғыс айтып, осы сенімді толық ақтау үшін өзінің күшін, білімін және саяси тәжірибесін жұмсауға уәде берді.
Айқын Қоңыров алдағы уақытта Қазақстан Халық партиясының Съезі өткізілетінін мәлімдеді.
Өздеріңіз білетіндей, 16 наурызда Мемлекет басшысы Қазақстан халқына Жолдауын жариялады. Саяси жүйені реформалауға, халқымыздың игілігі үшін Қазақстан экономикасын дамытуға белсенді қатысу қажет. Біз таяуда партия съезін өткізуге ниеттіміз, – деді ҚХП төрағасы.
Ермұхамет Ертісбаев Қоңыровқа ҚХП мүшесі болуға сенім білдіргені үшін алғыс айтып, партиялық іс-шараға қатысуға пейілді екенін жеткізді.