O`ztemiryo`lovchi АҚ Қазақстан карантиндік шектеулерге байланысты №647/648 "Нүкіс — Бейнеу — Нүкіс" және №½ "Алматы — Ташкент — Алматы" халықаралық пойыздарының қозғалысын қалпына келтіру мерзімін кейінге шегергенін хабарлады, делінген Газета.uz сайтында.
Бұл шешім Қазақстан аумағында коронавирус инфекциясының пайда болуы мен оның таралуына жол бермеу жөніндегі ведомствоаралық комиссияның отырысында бекітілді.
Билет сатып алған жолаушылар теміржол кассаларына хабарласа алады, онда билет ақысы қайтарылады немесе құжат басқа мерзімге қайта рәсімделеді.
Бұған дейін хабарланғандай, Бейнеу рейсі 1 сәуірден бастап, ал Алматыға қарай ("Тұлпар-Тальго" пойызы) 2 мамырдан бастап іске қосылады.