Нұр-Сұлтанда 22 сәуірде түнде жауын-шашын (жаңбыр, қар) болып, тұман түседі. 21 сәуірде таңертең және күндіз солтүстік-батыстан, батыстан жел соғады, желдің екпіні 15-20 м/с жетеді, 21-23 сәуір аралығында ауа температурасы түнде +7...+ 9°С-ден -3...-5°С дейін күрт төмендейді.
Петропавлда күндіз солтүстіктен, солтүстік-батыстан 15-20 м/с жылдамдықпен жел соғады, екпіні - 23 м/с. 21 сәуірден 22 сәуірге қараған түні ауа температурасының ... + 2+4°С-ден -5...-7°С-ге дейін күрт төмендейді.
Көкшетауда тұман түседі. 21-23 сәуір аралығында түнде ауа температурасы + 5...+ 7°С-ден -3...-5°С дейін күрт төмендейді.
Қарағандыда оңтүстік-батыстан, батыстан жел соғады, желдің күндіз екпіні 15-20 м/с жетеді.
Түнде Солтүстік Қазақстан облысының солтүстігінде, шығысында қар жауып, көктайғақ болады. Облыстың солтүстігінде, шығысында тұман түседі. Солтүстіктен, солтүстік-батыстан жел соғады, күндіз облыстың басым бөлігінде соққан желдің екпіні 15-20 м/с, кей тұстары 25 м/с жетеді, 21-нен 22 сәуірге қараған түні ауа температурасы 0...+5° градустан -3...-8°С дейін күрт төмендейді деп күтіледі.
Павлодар облысының оңтүстігінде солтүстік-батыстан оңтүстік-батысқа ойыса ұйытқи соққан желдің екпіні 15-20 м/с құрайды.
Батыс Қазақстан облысында шығыстан, солтүстік-шығыстан, күндіз облыстың оңтүстік-батысында, солтүстігінде екпіні 15-20 м/с, Оралда шығыстан, солтүстік-шығыстан күндіз екпіні 18 м/с жылдамдықпен жел соғады.
Түркістан облысының батысында, оңтүстігінде және таулы аймақтары мен тау бөктеріндегі аудандарында найзағай ойнап, дауыл тұрады деп күтіледі. Күндіз таулы аудандарда бұршақ түседі. Шығыстан соққан желдің екпіні - 15-20 м/с. Шымкентте найзағай ойнап, дауыл тұрады. Түркістанда түнде күн күркірейді. Шығыстан соққан желдің екпіні 15-20 м/с құрайды.
Алматы облысында солтүстік-шығыстан 9-14 м/с жылдамдықпен жел соғады, күн күркіреген кезде желдің екпіні 17-22 м/с, ал Алакөл көлінің маңында 25 м/с жетеді.
