Мальдив аралдары, Тайланд сияқты экзотикалық бағыттар да бар. Қазақстаннан Сейшель мен Черногорияға, Алматыдан Италияға рейстер ашылып жатыр.
Турдың құны баратын қаласына байланысты өзгеруі мүмкін, өйткені баға таңдалған курортқа дейінгі жолаушылар ағынының қашықтығы мен көлеміне байланысты белгіленеді. Неғұрлым жақын болса, соғұрлым арзанырақ.HT.kz туристік агенттігінің директоры Максим Банин
Грекияға 329 мың теңгеге, Черногорияға 342 мың теңгеге, Италияға 476 мың теңгеге, Мальдив аралдарына 404 мың теңгеге ұшуға болады. Таиландқа билет 293 мың теңгеден басталады. Хургадаға немесе Шарм-эль-Шейхке турлар адам басына 222 мың теңгеден және одан да жоғары болуы мүмкін. Алания, Анталья, Кемер, Бодрум, Сиде және басқа түрік демалыс орындарына кемінде 212-217 мың теңгеге ұша аласыз. БАӘ мен Грузияға турлар адам басына 166 мың теңгеден басталады.
Туристік бизнес саласындағы сарапшылар броньді мүмкіндігінше ертерек алуға кеңес береді. Осылайша, ақша үнемдеуге және ең жақсы қонақүй нөмірлерін арзандау бағаға алуға болады.
Бұл әсіресе Түркияға қатысты. Доллардың теңгеге шаққандағы бағамының күрт өзгеруіне байланысты жергілікті қонақүйлер тұтынушыларын жоғалтпау әрі жаңа клиент тарту үшін «Ерте броньдау» науқанын ұзартып, бағаны барынша төмендетті. Бағам теңестірілгеннен кейін де түріктер бағаны өзгертпеді. Сондықтан турды дәл қазір сатып алу тиімдірек.
ПТР қажет пе?
Түркия елге кіру үшін мынандай сертификаттардың бірін талап ететінін ескеріңіз: вакцинация паспорты, келуден 72 сағат бұрын жасалған ПТР сынағы немесе антиген сынағы. Антиген сынағы 48 сағаттан ерте тапсырылмауы керек.
Түркия міндетті түрде бетперде кию талабын алып тастады, Грекия 1 маусымда шектеулерді алып тастауды жоспарлап отыр.
Сонымен қатар, Грекия билігі электронды вакцинация паспортының қажеттілігін қайта қарауы мүмкін. Италия 1 мамырдан бастап бетперде режимін алып тастауы мүмкін.
Таиланд 1 мамырдан бастап вакцинация салдырған туристерге барлық сынақтарды тоқтатады. Кіру үшін сізге вакцинация паспорты және коронавирусқа қарсы медициналық сақтандыру қажет. Вакцина салдырмағандар бесінші күні экспресс-тест тапсыруы керек.
Сонымен қатар қазақстандықтар жақын арада Ұлыбританияға бара алады – ПТР және вакцинация төлқұжаты талап етілмейді, бірақ виза қажет.
