Референдум ең маңызды демократиялық институт болып табылады, бірақ Қазақстанда ол соңғы рет 1995 жылы, қолданыстағы Конституция бекітілген кезде өткізілді. Қазақстан Президенті Қасым-Жомарт Тоқаев
Одан кейін президенттің айтуынша, «Республикалық референдум туралы» Конституциялық заң қабылданды, бірақ ол ешқашан қолданысқа енбеген.
Президент содан бері Конституцияға төрт рет өзгертулер енгізілгенін еске салды.
Конституцияны жалпыхалықтық дауыс беру арқылы өзгерту халық қалауының жарқын көрінісі болады деп ойлаймын. Референдум әрбір азаматқа ел тағдырын шешуге тікелей қатысуға мүмкіндік береді және біздің жан-жақты демократияландыру мен Жаңа Қазақстанды құру жолындағы бағытымызды нығайтады. Қасым-Жомарт Тоқаев