Алматы қалалық әкімдігінің Мобильділік басқармасының мәліметінше, оның ішіне 56 шақырым болатын қаланың 19 магистральды жолы да кіреді. Сонымен қатар, Ақжар ықшам ауданында 48 шақырым жаңа жол салу жоспарланған. Алматы қалалық мобилділік басқармасының басшысы Ғани Мырзаханов 2025 жылға қарай қаланың жолдарын 95%-ға дейін жақсарту қолға алынбақ дейді.
«Әлі аяқталмаған Қайрат, Әлмерек, Алғабас шағынауданындағы жолдар құрылысын ары қарай жалғастырып жатырмыз. Қазір Ақжар шағынауданында жұмыстар басталды. Қазір экспертизадан Шұғыла шағынауданындағы жолдарды жөндеу жобасы шығады деп отырмыз. Ол жерде де осы жылы жұмыстар басталады», – деді қалалық мобилділік басқармасының басшысы Ғани Мырзаханов.
