Бұл құжат – 2021 жылы «Ядролық қауіпті азайту бастамасы» (NTI) ұйымдары мен Мюнхендегі қауіпсіздік конференциясы өткізген оқу-жаттығулар туралы есептің бір беті, деп жазды stopfake.kz басылымы.
Маймыл шешегі туралы жазылғанына қарамастан, бұл сценарий толығымен ойдан шығарылған. Онда Бриния мен Арника сияқты ойдан шығарылған елдер мен оқиғалар жайлы айтылған. Зардап шеккендердің саны мен аурудың даму қарқыны да негізсіз және сценарийде тек симуляция шындыққа ұқсас болуы үшін көрсетілген, – делінген басылымда.
Биофизика докторы және ядролық қауіпті азайту бастамасының вице-президенті Хайме Ясиф өткен жылғы оқу-жаттығулар толығымен ойдан шығарылған сценарий бойынша өткізілгенін және аурудың нақты өршуіне «дайындық» болмағанын айтты.
NTI COVID-19 сияқты ықтимал пандемиялардың алдын алуға және оларға жақсы ден қоюға мүмкіндік беретін қажетті жақсартуларды талқылау үшін осы сценарийді ойлап тапты. Жаттығу мақсаттары үшін біз ойдан шығарылған сценариймен байланысты қоздырғышты таңдадық. Сондықтан басқаларының ішінен маймыл шешек ауруын таңдадық.Биофизика докторы және ядролық қауіпті азайту бастамасының вице-президенті Хайме Ясиф
Демек, желіде тараған құжат жалған, ол ойдан шығарылған оқиғаларға негізделген оқу-жаттығулар туралы есептің бір беті ғана.
