Маңызды саяси оқиға басталды. Қазақстан азаматтары үшін де, ел үшін де бұл өте үлкен оқиға. Сайлау комиссияларының, мемлекеттік органдардың референдумға дайындық бойынша жұмысы ел тұрғындарын ақпараттандыруда біршама жұмыстар атқарылды. Қырғызстан ОСК мүшесі Абдыжапар Бекматов
Ол комиссия Нұр-Сұлтан қаласындағы бірнеше сайлау учаскелерін аралап шыққанын, дауыс беру үшін барлық жағдай жасалғанын, қатысушылардың белсенділігі жоғары екенін айтты.
Бекматовтың айтуынша, белсенділік Негізгі заңға өзгерістер енгізіліп жатқандықтан, ел халқының өз болашағын айқындауымен түсіндіріледі.
Олар жауапкершілікті сезінеді, тұрғындар бұл референдумға қатысуға мүдделі. Бізден бар болғаны 15 байқаушы бар, біздің өкілдер Нұр-Сұлтан, Алматы, Жамбыл және Алматы облыстарында орналасқан. Қырғызстан ОСК мүшесі Абдыжапар Бекматов
Президент Қасым-Жомарт Тоқаев 5 мамырда еліміздің Негізгі заңына өзгерістер мен толықтырулар енгізу бойынша референдум өткізу туралы жарлыққа қол қойды. Қазақстандықтар түзетулерге «мақұл» немесе «қарсы» дауыс береді. Референдумда 11,7 миллионнан астам Қазақстан азаматы дауыс бере алады.
Қазақстанда барлығы 10 мыңнан астам сайлау учаскелері құрылды. Шетелдегі сайлау учаскелері әлемнің 52 елінде ашық.