Жәбірленушінің айтуынша, супервайзер сатушымен бірлесе отырып, өткен жылдың қаңтарынан 2022 жылдың наурызына дейінгі аралықта тауарға сатылу қағазын толтырып, тауарларды жалған сатқан, бірақ дүкеннің кассасына ақша түспеген.
Келтірілген шығынның жалпы сомасы – 6,9 млн теңгеден артық. Полиция қызметкерлері күдіктілерді ұстады, оларға қатысты келуге міндеттеу түріндегі процестік мәжбүрлеу шарасы таңдалды.
Осы факті бойынша ҚР ҚК 189-бабының 3-бөлігімен (Сеніп тапсырылған бөтен мүлікті иемденіп алу немесе талан-таражға салу) бойынша сотқа дейінгі тергеу жүргізілуде.