Нөсер жаңбыр, найзағай, бұршақ – 2-4 шілдеге арналған ауа райы болжамы

Синоптиктер 2-4 шілдеге арналған ауа райы болжамын ұсынды: еліміздің басым бөлігінде нөсер жаңбыр жауып, найзағай ойнап, бұршақ жауады, дауыл тұрады, жел күшейіп, күн райы салқындайды, деп хабарлайды Zakon.kz.

Республиканың басым бөлігінде ауа райына күн күркіреп, жаңбыр жауатын оңтүстік циклон әсер етеді: 2 шілдеде батыста, 3 шілдеде солтүстік-батыста, 4 шілдеде оңтүстікте, орталықта қатты жаңбыр, бұршақ жауып, дауыл тұрып, жел күшейеді. «Қазгидромет» РМК

Болжам бойынша, Қазақстанның барлық аумағында дерлік салқын ауа райы сақталады.

Бұған дейін синоптиктер Қазақстанда 2022 жылдың шілде айына арналған ауа райы болжамын ұсынған еді. Айдың бірінші онкүндігінде еліміздің басым бөлігінде ауа райы құбылмалы болады.