Елордадағы Бейбітшілік және келісім сарайында "Қазақстан мәслихаттары депутаттарының бірлестігі" республикалық қоғамдық бірлестігі Орталық кеңесінің кезектен тыс конференциясында ұйым атынан Қазақстан Республикасы президенттігіне кандидат ұсыну мәселесі қаралды.
Тұрақсыз геосаяси және экономикалық жағдай кезеңінде қоғамның бірлігі факторы бірінші орынға шығады. Сондықтан Қасым-Жомарт Тоқаевтың тұрақтылық пен келісімді қамтамасыз етудегі, мемлекетіміздің үдемелі дамуындағы ерекше рөлін ескере отырып, біз оны алдағы президенттік сайлауға кандидат ретінде ұсынып отырмыз. Қауымдастық төрағасы Төлеубек Мұқашев
Жиын соңында қатысушылар алдағы Қазақстан Республикасы президентін кезектен тыс сайлауына қатыстыруға Тоқаевтың кандидатурасын бірауыздан мақұлдады.