Атап айтқанда, айына бір рет қарауындағы аумаққа бару және көзбен шолу арқылы мониторинг жүргізілетін, оның нәтижесінде құрылыс салуға жоспарланған объектілер мен кешендердің анықталған заңсыз құрылысы туралы хаттама (есептің формасы) толтырылатын ереже қосылды.
Бұл ретте, құрылысы жоспарланған объектілер мен кешендердің мониторингін жергілікті атқарушы органдардың сәулет және қала құрылысы саласындағы құрылымдық бөлімшелері жүзеге асыратыны көрсетілген.
Салынып жатқан объектілер мен кешендер мониторингін мемлекеттік сәулет-құрылыс бақылауын жүзеге асыратын жергілікті атқарушы органдар жүзеге асырады.
Құрылысы жоспарланған объектілер мен кешендердің мониторингі мемлекеттік қала құрылысы кадастрының ақпараттық жүйесінде мынадай деректер негізінде қалыптасады:
объект пен кешеннің атауы мен мекенжайы;
объект пен кешенге тапсырыс берушінің (меншік иесінің) толық атауы (заңды тұлға үшін) немесе тегі, аты, әкесінің аты (жеке тұлға үшін);
объект пен кешен салу үшін жер учаскесіне тиісті құқық беру туралы жергілікті атқарушы органның шешімдері;
объект пен кешен салуға берілген жер учаскесінің нысаналы мақсаты;
сәулет-жоспарлау тапсырмасы;
инженерлік-коммуналдық шаруашылық көздеріне қосылудың техникалық шарттары;
алдын ала жобалау;
көшпелі болу және көзбен шолу арқылы жүргізілген мониторингтің барысы туралы есеп.
Бұйрық 12 қазанда күшіне енді.