Ұрлықтың жалпы сомасы 60 миллион теңгеден асады.
"Қазір тексеру жүріп жатыр", – деді БҚО бойынша тексеру комиссиясының аппарат жетекшісі Ерлан Сәпиев.
Тексеру комиссиясы "Теректі Таза Су" жауапкершілігі шектеулі серіктестегі ұрлықты анықтағаннан кейін материалдардың бір бөлігі сыбайлас жемқорлыққа қарсы қызметке берілді. Қазір олар сараптамадан өтіп жатыр.
Тексеру қорытындысы шықпайынша БҚО құқық қорғау органдары есепшіні іздеуге жариялап, оған айып таға алмайды. Нақты мәліметке сүйенсек, әйел Қазақстан азаматы.
"Теректі таза су" ЖШС басшысы Руслан Ғалиев бұл іске қатысты пікір білдіре алмайтынын айтты. Теректі ауданының әкімдігі қазір кәсіпорынның қаржылық қызметіне тексеру жүргізіліп жатқанын мәлімдеді.
Бір айта кетерлігі, "Теректі таза су" ЖШС Теректі елді мекенін ауыз сумен қамтамасыз етіп, оған мемлекет 100 пайыз қатысып отыр әрі мемлекеттен субсидия алады.