"Қазгидромет" РМК ақпаратына сәйкес, республикада жел күшейіп, көктайғақ, тұман болады. Еліміздің солтүстігінде, шығысында және орталығында бұрқасын соғады.
"Түнде солтүстікте, шығыста және орталықта ауа температурасы 17-28 аязға дейін төмендейді деп болжанды", - делінген хабарламада.
Болжам бойынша алдағы күндері Қазақстанның басым бөлігінде жауын-шашын түседі:
солтүстік, орталық және шығыс облыстарда қар;
22-24 қарашада республиканың оңтүстік-шығысында қатты жауын-шашын (жаңбыр, қар);
23 қарашада шығыста қалың қар жауады.
Бұған дейін синоптиктер 21 қарашада Түркістан және Алматы облыстарының таулы аймақтарында қатты жауын-шашын болатынын хабарлаған еді.