Ведомствоның мәліметінше, ұл бала салмағы 5700 грамм, бойы 64 сантиметр болып дүниеге келген.
"Ана мен сәбидің жағдайы жақсы. Бұл сәби - отбасындағы төртінші бала. Баланың салмағы үлкен болғандықтан дәрігерлер кесарь тілігін жасауды ұйғарды", - деп хабарлады облыстық денсаулық сақтау орталығынан.
Ведомство дүниеге келген нәресте биыл облыстағы тұңғыш алып ұл екенін атап өтті.
Медицина стандарттарына сай, ұрықтың салмағы 4 келіден асса үлкен, ал салмағы 5 келіден асса, алып саналады.
Бұған дейін Алматыда салмағы 5,1 келі қыз баланың дүниеге келгені хабарланған еді. Сәби 1 қарашада №4 қалалық перзентханада дүниеге келген.
