Алматы әкімі Екібастұздағыдай жағдайды болдырмауға және ол үшін қолынан келгенін жасап жатқанын айтты.
"Біз қыс мезгіліне қағаз жүзінде емес, өте қарқынды дайындалдық. Жақында мемлекет басшысы мен премьер-министрден энергетика жүйесіне ревизия жүргіземіз деген тапсырма келді. Жұмыс 1 желтоқсанда басталады." Ерболат Досаев
Әкім құзырлы органдар екі апта ішінде 1-15 желтоқсан аралығында жылу желілері мен қазандықтарды қосымша тексеруден өткізетінін айтты.
"Әзірге апатқа алғышарттар жоқ деп үміттенемін. Жақында Гоголь көшесіндегі жағдай болды, желілер тозған, бірақ Алматы мұндай жағдайға дайын". Ерболат Досаев
Жаз мезгілінде қондырғылар ауыстырылып, дайындалып, реттеліп, қазандықтар тазартылғаны айтылады.
27 қараша күні сағат 01:30-да Екібастұзда апат салдарынан жылу мен ыстық су беру тоқтатылды.
Энергетика министрлігі жылу құбырларының тозуының жоғары деңгейін, бұл 70 пайыздан астамын хабарлады.Сонымен қатар Энергетика министрлігі Екібастұздағы апаттың жылу электр орталығында емес, жылу желілерінде болғанын түсіндірді.
Осы оқиғаға байланысты Қазақстан Президенті Премьер-Министр Әлихан Смайыловқа ел қалаларындағы проблемалық энергетикалық активтерді мемлекет меншігіне қайтару мәселесін қарауды тапсырды.
28 қарашада Екібастұзда төтенше жағдай жарияланды.
