Кәсіпорынның мәліметінше, 3 қаңтарда Жамбыл облысында 30 м/с-қа дейін соққан дауылды жел мен көктайғақ түріндегі жауын-шашын салдарынан «Опорная» қосалқы стансасын (KEGOC» АҚ теңгеріміндегі) электрмен қамтамасыз ететін 220 кВ әуе желілері үзілген. Автоматты қорғаныс арқылы ажыратылды.
Компанияда атап өткендей, әуе желілерін тексеруді «KEGOC» АҚ-ның қажетті құрал-жабдықтармен және материалдармен жабдықталған жедел топтары жұмылды.
"Түнгі тексеру нәтижесінде құлаған тіректер, сынықтар мен сымның зақымдануы анықталды. 4 қаңтар күні сағат 03:36-да бригадалар жөндеу-қалпына келтіру жұмыстарын бастады". «KEGOC» АҚ баспасөз қызметі
3 қаңтарда Жаңатас қаласында Сарысу ауданы әкімінің қаулысымен дауылды желдің болуына байланысты табиғи төтенше жағдай режимі енгізілді. Жамбыл облысы әкімінің баспасөз қызметі хабарлағандай, өңірде екпіні 30 м/с болатын қатты жел соғуда.