Режиссер Джеймс Кэмерон 20 Minutes телеарнасына берген сұхбатында "Аватардың" үшінші бөлімі қандай болатыны туралы сөз қозғады. Кэмерон алдағы фильмде басқалардан ерекшеленетін Нави кланы бейнеленетінін айтты.
"Алғашқы фильмдерде адамдардың өте жағымсыз мысалы мен Навидің өте жағымды үлгісі бар. "Аватардың" үшінші бөлімінде осы тұсты керісінше жасаймыз".Джеймс Кэмерон
Үшінші бөлімде Кэмерон көрермен бұрын көрмеген Пандора мәдениетін, соның ішінде "от жауынгер тайпасын" көрсетемін деп уәде берді.
"Біз басты кейіпкерлердің оқиғасын жалғастыра отырып, жаңа дүниелерді зерттейміз. Соңғы бөлімдер ең жақсысы болады деп айта аламын. Қалғандары кіріспе, яғни негізгі тағам алдындағы тіскебасардың бір түрі болды деуге келеді".Джеймс Кэмерон
Бұған дейін Кэмерон "Аватарды" түсіру кезінде бос болауына байланысты бас тартқан жобалар, фильмдер үшін өкінетінін айтқан еді.