23 ақпанда өткен баспасөз мәслихатында ол түрік құрылысшылары құрылыс саласында алғашқы орындарды алып отырғанын атап өтті. Ең ірі құрылыс мердігерлік компаниялары әдетте шетелде де жұмыс істейді.
"Олар өз жұмысын жергілікті жергілікті құрылыс нормалары мен ережелеріне және нормаларға, бақылау ережелеріне сай жүргізеді. Жергілікті билік түрік компанияларының құрылыс жұмыстарының сапасын қадағалайды. Сондықтан түрік мердігер компаниялары шетелде сапасыз жұмыс істейді деп айтудың жөні жоқ деп ойлаймын. Жер сілкінісі болған аймақта құрылысты шағын және орта компаниялар салған. Қазақстанда құрылысты өзін дәлелдеген ірі компаниялар ғана салып жатыр. Қираған ғимараттардан тиісті қорытынды шығарылады". Уфук Екиджи
Түркияда 6 ақпан күні таңертең болған жер сілкінісі соңғы мәліметтер бойынша 43,5 мыңнан астам адамның өмірін қиды. Апат аймағынан 448 мыңнан астам адам эвакуацияланды.
Полицейлердің мәліметінше, 564 адам жер сілкінісінен зардап шеккен аудандарда үй салу нормаларын бұзды деген күдікке ілінді. Күдіктілердің 160-ы қамауға алынды. Кейбірі әлі іздеуде.
