Жергілікті тұрғынның сөзінше, интернат тәрбиешілері тәртіпке бағынбаған оқушыларды ересектеріне ұрғызған. Ол жайында жәбір көрген қыз анасына айтып беріпті. Ал монитор арқылы қыздардың жаға жыртысқан сәтін тамашалағандардың арасында мекеме басшысы да бар көрінеді. Бұл туралы КТК телеарнасы хабарлады.
Бірақ білім басқармасы бұл деректі теріске шығарды, тіпті оқушылардың не үшін төбелескенін де түсіндіре алмады. Қазір бұл іспен полиция айналысып жатыр.
"Білім басқармасымен қызмет тексерісі жүріп жатыр. Мектеп интернаты мен тәрбиешісі тәртіптік жазаға тартылды. Сонымен қатар аталмыш оқиға бойынша Тереңкөл ауданының полиция бөлімінде бұл жағдай тіркелді". Павлодар облысы білім басқармасының бас маманы Жібек Айтмұханбетова