Тянь-Шань қоңыр аюы барлық азық түрін жейді. Ол әртүрлі тамырлармен, жидектермен (тіпті құрғақ болса да), шөптермен, өсімдік пияздарымен қоректенеді, ал жазда жеміс-жидек жегенді ұнатады. Кейде оның жеміне суырлар, ұсақ кеміргіштер, тіпті жәндіктер де айналады. Дегенмен, қоңыр Тянь-Шань аюы ақуыз тағамынан гөрі өсімдік тағамдарын жақсы көреді.
Тянь-Шань аюының басты ерекшелігі - алдыңғы табанының ұзын ақшыл тырнақтары, ал артқы табандарында тырнағы қою қоңыр келеді. Ол аюлар арасында ең бейбіт түрлердің біріне жатады, бірақ жақын қарым-қатынастан аулақ болған жөн. Әсіресе қазір, қысқы ұйқыдан оянып, қорек іздеген кезде. Ал ана аю баласын жалғыз алысқа жібермейді. Егер ол қонжығына қауіп төнетінін сезсе, агрессивті болуы мүмкін.
