Алматы әкімдігінің хабарлауынша, былтыр, 2022 жылы қалаға 1,8 миллион турист келген. Бұл 2021 жылмен салыстырғанда 48 пайыз өскен.
Мұны мәслихаттың VI сессиясында қалалық экономика басқармасының басшысы Дастан Өмірбаев мәлімдеді.
Былтыр мегаполисте 2,2 мың төсек-орынға 34 жаңа орналастыру орны құрылып, сонымен бірге ұзындығы 150 шақырым 12 маршрут пен 3 кемпинг аймағы абаттандырылған.