Ақпарат құралдарының хабарлауынша, ер адам шамамен 30 жаста. Оның тапаншасы бар. Ол Kaspi-дің барлық активін мүгедек балаларға, кедейлер мен мұқтаждарға арналған қорға аударуды талап етіп отыр.
Ер адам талабын орындауға 3 сағат уақыт беріп, кепілге алынғандарды "өлтіремін" деп қорқытқан. Кепілге алынғандардың арасында 7 қыз бен бір күзетші бар екені айтылды.
Астана полиция департаменті бұл ақпаратты әлі расталған жоқ.
Сонымен бірге банк ғимараты орналасқан үйдің тұрғындары эвакуацияланғаны хабарланды, бұған қоса, оқиға орнына арнайы жасақ жеткен.