Елордадағы Ұлттық музейде қазақ журналистикасының өткені мен бүгініне арналған көрме өтті, көрмеге ХІХ ғасырдың екінші жартысынан басталатын тарихи құжаттар мен газеттердің көшірмелері, қолжазбалар, кітаптар, түрлі техника және ескі суреттер қойылған, деп мәлімдеді "Хабар 24".
Көрменің ашылу салтанатына сөз алған Ақпарат және қоғамдық даму министрі Дархан Қыдырәлі ел күнтізбесінде Ұлттық баспасөз күні пайда болатынын айтты.
"Қазақ" газеті дүниеге келген 2 ақпанды Ұлттық баспасөз күні деп белгілеу туралы ұсыныс болғаны белгілі. Министрлік бұл ұсынысты қолдап, тиісті жұмыстар жүргіздік. Қазір тіркелу үстінде. Бір-екі күннің ішінде жария болады деп ойлаймыз.ҚР Ақпарат және қоғамдық даму министрі Дархан Қыдырәлі
27 маусым күні мемлекет басшысы Қасым-Жомарт Тоқаев БАҚ саласындағы қызметкерлерге сыйлықтар мен гранттар тапсырды.