Құрбан айт – үш күнге созылатын мереке, жыл сайын мұсылман күнтізбесі бойынша Зүлхижа айының оныншы жұлдызында (Арафа күнінен кейін) және Ораза айт мейрамынан 70 күн өткеннен кейін басталады. Биыл Құрбан айттың бірініші күні 28 маусымға сәйкес келді.
Бұл күні Меккеге барған мұсылмандар Мина алқабында құрбандық шалу рәсімі мен қажылықтың басқа да талап-шарттарын атқарады, ал қажылыққа бармағандары мешіттерде айт намазын оқып, айтулы мерекенің ең маңызды рәсімі – құрбандық шалады.
Қазақстанда Құрбан айттың бірінші күні демалыс болып бекітілген.