Президент Қасым-Жомарт Тоқаев елордадағы Әзірет Сұлтан мешітіне барып, Қазақстан мұсылмандарын Құрбан айт мерекесімен құттықтады, деп мәлімдеді Ақорданың баспасөз қызметі.
"Құран оқытылып, Мемлекет басшысының атынан құрбандық шалынды", – делінген хабарламада.
Сурет: akorda.kz
Президент Қазақстан халқын мұсылмандардың ұлық мерекелерінің бірі – Құрбан айт мерекесімен құттықтап, айт күндері мұсылман қауым шынайы көңілмен мұқтаж жандарға жәрдемдесетінін, бұл жұртшылықты жақындастырып, еліміздегі жалпыұлттық бірлікті, бейбітшілікті және келісімді нығайта түсетінін айтты.
