Құтқару қызметінің "112" нөмеріне 22 шілдеде сағат 19:02-де "Тұран" шағынауданында орналасқан Новостройка көшесіндегі жеке тұрғын үйде 4 жастағы балаға көмек керегі туралы хабарлама түскен.
Оқиға орнына барған құтқарушылар 4 жасар баланың қолын ет турағыш құралы шайнап қалғаны, соның салдарынан қолын шығара алмай жатқанын анықтаған.
Құтқарушылар гидравликалық және слесарлық құралдарын қолдана отырып, ет турағыш құралды кесіп, баланың қолын шығарды. Бүлдіршінге медициналық көмек қажет болғандықтан құтқарушылар оны оқиға орнына жеткен медицина қызметкерлеріне тапсырды.