Бала құқықтарын қорғау жөніндегі комитет арнайы құрылған жұмыс тобы оқиға орнына аттанып кеткенін нақтылайды.
"Алдағы уақытта министрлік өкілдері орталықтың жағдайы балалар қауіпсіздігі үшін жарамды екен тексермек. Бұған дейін Қонаев қаласының білім бөлімі «Бәйтерек» жекеменшік лагеріне мониторинг жүргізген болатын. Тексеру нәтижесінде лагерьдің санитарлық-эпидемиологиялық қызметке рұқсаты бар екені анықталған. Сондай-ақ, оқиға орнында прокуратура өкілдері де жұмыс істеп жатыр". ҚР Оқу-ағарту министрлігінің баспасөз қызметі
Алдында Алматы облысының балалар лагерьлерінің біріне тегін демалуға барған оқушылардың ата-аналары балалардың тұрып жатқан жеріне қатысты наразылық білдірген болатын.
Ата-аналар балалар кішкентай, лас және ыңғайсыз бөлмелерде, онда да бірнеше бала бір төсекке сығылысып ұйықтауға мәжбүр екенін, ал лагерь орналасқан ғимарат өте ескі екенін айтып, шағымданған.