"Әжесі мен атасының көмекшісі", - деп жазылған видеоның сипаттамасында.
Жарияланған кадрларда анасы мен қызының диалогы естіледі. Анасы видеоға түсіріп тұр. Ал кішкентай қыз анасына түйені өзі-ақ баптайтынын және ол оған тиіспейтінін айтып, сендіріп жатыр. Әуелі қыз түйені әкеп байлайды. Кейін оның ботасын босатады. Сонда төлі енесін бірден емуге кіріседі.
Желі қолданушылары видеоның астына белсенді түрде пікір қалдырып жатыр:
- Батыл екен, бірақ бұл өте қауіпті. Үлкендер, қырағы болыңдар, баланы жалғыз қалдырмаңдар.
- 100% өзіне сенім.
- Түйе өте қауіпті жануар болып саналады.
- Түйе ересек адамды оңай таптай алады.
Зоологтар түйенің үй жануарлары ішінде ең қауіптісі екенін ескертеді. Қыңыр түйе тұяғымен қағып, жауды басып, тістеп алады.