23 қазан – Халықаралық қар барысы күні. Осы күнге орай "Алтын-Емел" мемлекеттік ұлттық табиғи паркі қар барысы туралы қызық деректер бөлісті.
"Қар барысы – мысық тұқымдастардың ерекше өкілі. Дене тұрқы 125 – 135 см, биіктігі 60 см (шоқтығынан алғанда), құйрығы 90 – 100 см, салмағы – 30-40 келідей. Түсі көк сұр, теңбіл шұбар, сақина тәрізді дөңгелек қара дақтары бар, жүні ұзын әрі қалың. Олар кербез және биік тауларда мекендейді", - деп хабарлады табиғи парк Instagram-дағы парақшасында.
- Қар барысы туралы қызық мәліметтер:
- Барыс – мысық тұқымдасына жататын жыртқыш аң.
- Қар барыстары 6 метрге дейінгі ұзындыққа және 3 метр биікке секіре алады.
- Қар барысы табылған ең биік жер теңіз деңгейінен шамамен 6 шақырым биік орналасқан.
- Қар барысы жойылып кетудің алдында тұрған аң ретінде "Қызыл кітапқа" енген.
- Қар барысының тағы бір атауы – ілбіс. Ол түркі тілінен аударғанда "қар мысығы" деген мағынаны береді.
- Қар барыстары қазірдің өзінде аз зерттелген. Себебі олардың мекендейтін ортасына жету қиын болғандықтан кез келген зерттеуді қиындатады.
- Қар барыстарының табаны – қысқа әрі бұлшықетті, ал құйрығы – ерекше ұзын. Ол қатты жүгірген немесе секірген кезде құйрығын "тізгін" ретінде пайдаланады.
- Ілбістердің ұзыдығы 2 метрге дейін жетеді (құйрығымен қоса есептегенде).
- Таутандар (ұрғашы қар барысы ) жылына екі рет төлдейді.
- Қар барыстары адамдарға бірінші болып шабуылдамайды.
- Қар барысы жүнінің түсінің арқасында қар басқан тауларда көзге түсе бермейді.
- Қар барыстарының қаншалықты ұзақ өмір сүретіні нақты белгісіз. Қазіргі зерттеулер олардың 20-25 жыл өмір сүретінін айтады.
- Қар барыстары – көшпелілер. Олар мыңдаған шаршы шақырым аумақты үнемі кезіп жүре алады.
- Қар барысы сырт көзге қабыланға ұқсайды. Алайда оның жүні сары емес, ақ түсті.
- Қар барыстары көмейінің ерекшелігіне байланысты ырылдап, мияулап, ұли алмайды.
- Қар барыстары жалғыз өмір сүреді. Олар тіршілік ететін аумағын қызғыштай қорғап, ешкімді кіргізбейді.
- Он екі мемлекеттік аумағында қар барыстарының популяциясы қорғау мәртебесіне ие.
- Аландар (қар барысының баласы ) балалар сияқты биік төбешіктерден сырғанағанды жақсы көреді.
- Қар барысы – ғаламшардағы биік тауларда өмір сүретін аңдардың бірі.
- Барыстар түнде тіршілік етеді. Алайда қажет болған жағдайда күндіз де белсенділігін сақтай алады.
- Әдетте барыстар үңгірлерде немесе құздардың жарылған жерлерінде өзіне апан жасайды. Сол жерде олар күндіз ұйықтайды.
- Қар барыстарының көзі өте жақсы көреді.
- Қар барыстарының табаны үлкен болады. Барыстар қалың қармен жүре алады.