Алматыдағы метеорологиялық жағдайлар атмосферада ластаушы заттардың жиналуына ықпал етеді. Республиканың басқа қалаларында қолайлы ауа райы сақталады.
Қолайсыз ауа-райында мынадай әрекеттер ұсынылады:
- ашық ауада, әсіресе магистральдардың немесе басқа ластаушы көздің жанында уақыт өткізуді қысқарту;
- балалар мен жүкті әйелдер ұзақ серуендеуден аулақ болуы керек;
- өкпенің созылмалы ауруы, жүрек-қан тамырлары ауруы және аллергиясы бар адамдар көшеде жүргенде өзімен бірге дәрісін алып жүруі керек;
- Даладағы физикалық белсенділікті шектеңіз. Дене шынықтыру және спорт іс-шаралары жабық спорт кешендерінде өтуі керек.
Бұған дейін синоптиктер Қазақстанның кей жерлерінде тұман түсіп, жел күшейетініне байланысты дауылды ескерту жариялаған.
