Облыстық полиция департаментінің баспасөз қызметінің мәліметінше, осы факті туралы полицияға хабарламағаны үшін мектеп әкімшілігі де жазасыз қалмайды.
"Мәселен, 4-сыныптың ата-аналарына қатысты қылмыстық құқық бұзушылық белгілері бар қасақана әрекет жасауға әкеп соққан кәмелетке толмаған баланы тәрбиелеу жөніндегі ата-аналық міндеттерін орындамағаны үшін ҚР ӘҚБтК 127-бабы 3-бөлігі бойынша әкімшілік іс қозғалды. Қарау үшін материалдар сотқа жіберілді", - делінген хабарламада.
Бұдан бөлек, осы факті туралы полицияға хабарламағаны үшін мектеп әкімшілігіне қатысты материал ҚР ӘҚБтК-нің 127-1-бабы бойынша жауапқа тарту үшін уәкілетті органға жіберілді.
Еске салайық, болжам бойынша, балаға өзі оқитын мектептің оқушысы шабуыл жасаған. Баланы қорлау туралы ата-аналар қалалық мәслихат депутатына мәлімдеді. Автор мектеп оқушысы жоғары сынып оқушыларынан зардап шеккенін айтқан.