Ведомствоның мәліметінше, апат салдарынан 7 адам зардап шекті. Жедел медициналық қызмет келгенше үш адам қайтыс болды.
“Үш ересек адам жабық бассүйек-ми жарақатымен, бас миының шайқалуымен, бір науқастың сол жақ жамбас сүйегінің сынығымен №7 қалалық клиникалық ауруханаға жатқызылды. Төртінші зардап шеккен 15 жастағы бала сол жақ аяқ сүйектерінің сынып, №2 қалалық балалар клиникалық ауруханасына жатқызылды”, - делінген хабарламада.
Барлық зардап шеккен адамға психологиялық көмек пен қажетті медициналық көмек көрсетіледі.
Еске салайық, бұған дейін Алматыда автобус бір топ адамды қағып кеткенін хабарлаған едік.
Кейінірек полиция департаменті оқиғаға қатысты түсінік берді.