Жергілікті биліктің хабарлауынша, Алматыда 28 желтоқсаннан бастап №32 бағыттағы мобильді автобустар саны 15 автобустан 25 автобусқа дейін көбейеді.
"Осылайша, жоспарланған қозғалыс аралығы 25 минуттан 7 минутқа дейін қысқарады", - делінген хабарламада.
2023 жылдың желтоқсан айының соңына дейін №32 бағытты күшейтуді Орталық коммуникациялар қызметінде өткен брифинг барысында Алматы әкімі Ерболат Досаев атап өтті.
"Жалпы 2023 жылы 600 жаңа автобус сатып алынды. Олар дайын болғаннан кейін ең көп жүретін бағыттар бойынша пайдаланылады", - деп толықтырды Алматы әкімдігінің баспасөз қызметі.