Көлік полицейлері тексеру барысында қыздың ұшу кезінде кабинада электрон темекі шеккенін анықтады. Полицейлер кәмелетке толмаған тәртіп бұзушымен профилактикалық әңгіме жүргізіп, ата-анасына айыппұл салынды. Бұл туралы AtyrauPress жазды.
"Қыздың заңды өкіліне қатысты ҚР ӘҚБтК-нің 127-бабының 1-бөлігі бойынша әкімшілік хаттама толтырылып, 10 АЕК – 36 920 теңге айыппұл салынды", - деп хабарлайды Көліктегі полиция департаменті.
Анықталғандай, 2023 жылы көліктегі жол полициясының қызметкерлері түрлі әкімшілік құқық бұзушылықтар жасағаны үшін 45 962 азаматты, оның ішінде 213-і әуе кемесінің бортында темекі өнімдерін тұтынғаны үшін, 70-і кәмелетке толмаған баланы тәрбиелеу міндеттерін орындамағаны үшін әкімшілік жауапкершілікке тартты.
Бұған дейін Сеул-Алматы рейсінің бортында темекі шеккен шетелдіктің жазаланғаны хабарланған еді.
