Бес адамның көлігіне ұрлыққа түскен күдікті Қызылорда облысы Шиелі ауданының тұрғыны болып шықты. 19 жастағы жігіт автокөліктердің ашық қалғанын пайдаланып, ішіне кіріп, автомагнитола мен өзге де автокөлік аксессуарларын ұрлап келген.
Ол ұрланған заттарды әлеуметтік желілер арқылы жарнамалап, сатып отырған. Жәбірленушілерге тиесілі айғақ заттар тәркіленді.
Бұл күдіктінің қала аумағында тіркелген осыған ұқсас басқа да қылмысқа қатысы бар-жоғы тексеріліп жатыр.
Күдікті уақытша ұстау изоляторына қамалып, тергеу әрекеттері жалғасып жатыр.