Журналистер бұрынғы денсаулық сақтау министрі Ажар Ғинияттың отставкаға кетуі Әлеуметтік медициналық сақтандыру қорына (ӘМСҚ) қатысты жанжалға қатысы бар ма деп сұрады.
"Түсінулеріңізді сұраймын, біз мұнда өмір бойы жұмыс істемейміз ғой. Осыған байланысты Ажар Ғиният өзіне жүктелген тапсырманы орындады. Енді жаңа міндет. Яғни бұл жүйенің қаржылық бөлігін қарастыру", - деді Тамара Дүйсенова.
2024 жылғы 6 ақпанда Мемлекет басшысы Қасым-Жомарт Тоқаев өз жарлығымен Денсаулық сақтау министрлігінің жаңа басшысы болып Ақмарал Әлназарованы тағайындады. Ол бұған дейін сенатор қызметін атқарған.