Экология департаменті су айдынын бірнеше рет ластағаны үшін қонақүйге Әкімшілік кодекстің 331-бабы 2-бөлігі бойынша – 1 846 000 теңге айыппұл салынғанын айтты, деп жазды lada.kz.
Екінші айыппұлдың сомасы – 232 663 теңге. Бұл айыппұл Әкімшілік кодекстің 328-бабына сәйкес, суға технологиялық қалдықтарды нормадан тыс тастағаны үшін салынған.
Ақпанның басында Қаракөл көлінде аққулар жаппай қырылып, Aktau Tourism Ltd. құбырындағы суға сынама жасалғаны белгілі болды. Ақтаудағы Rixos қонақүйіне қатысты екі әкімшілік іс қозғалды. Кейінірек Rixos Ақтау көлге апарып су төгетін құбырды демонтаж жасағанын хабарлады.
2023 жылғы желтоқсанда Маңғыстау облысында аққулардың жаппай қырылғаны белгілі болды, бастапқыда 30-ға жуық құстың қырылғаны хабарланған болатын.
25 қаңтардағы мәлімет бойынша, Қаракөл мен Каспий теңізінің жағалауында қырылған құстардың саны 1200-ге жеткен.
Орнитолог сарапшы Виктория Ковшарьдың пайымдауынша, Қаракөл көлінде аққулардың жаппай қырылуына құс тұмауы себеп болған.