Шақыру орнына Қонаев қаласының жедел-құтқару жасағының құтқарушылары дереу жіберілді.
Ер адам түнде балық аулауға келген екен. Таңертең мұз сынып, ол өздігінен жағаға шыға алмағандықтан, құтқару қызметіне жүгінді.
"Қонаев қаласы жедел-құтқару жасағының 8 құтқарушысы, 2 бірлік техникасы, жүзу құралдарының күшімен жағаға жеткізілді. Медициналық көмек қажет емес." Алматы облысы ТЖД баспасөз қызметі
Ер адам Алматы облысы ТЖД қызметкерлеріне өмірін сақтап қалғаны үшін үлкен алғысын білдірді.
Қалыптасқан тұрақсыз ауа райына байланысты және жазатайым оқиғалардың алдын алу, жұқа мұзда жарақат алу мен адам өлімінің алдын алу мақсатында Алматы облысының ТЖД су айдындарында қауіпсіздік ережелерін сақтауға және жұқа мұзға шығудан бас тартуға кеңес береді.