Мамандардың айтуынша, көктемгі күн райы жауын-шашынды болуы мүмкін. Ал жаз айларында ауа температурасы нормадан 1-2° жоғары болуы мүмкін деп күтілуде.
Сәуір және мамыр айларында ел аумағының басым бөлігінде ауаның орташа температурасы бір айдағы нормадан 1° жоғары болады деп күтілуде.
Жауын-шашын мөлшері сәуір айында республика аумағының басым бөлігінде нормадан көп болса, мамыр айында климаттық норма шамасында болмақ.
Көктемдегі ауа райы тосынсыйларға толы болмақ. Өйткені өтпелі маусымдықта синоптикалық процестер өте тұрақсыз. Каспийдің оңтүстігінен және Ресейдің Еуропалық аумағынан циклондардың әсерінен жауын-шашын күтіледі: түнгі уақытта жаңбыр мен қар түрінде, күндіз жаңбыр түрінде, ал оңтүстік аймақтарда суық ауа массаларының енуінің салдарынан үсік болуы мүмкін.Қазгидромет РМК баспасөз қызметі
Маусым айында ауаның орташа айлық температурасы республиканың басым бөлігінде нормадан 1-2° жоғары, яғни әдеттегіден ыстық, елдің батыс бөлігінде норма шамасында болады деп болжанады.
Шілде, тамыз айларында Қазақстанда ауаның орташа айлық температурасы норма шамасында, тек тамызда - елдің оңтүстігі мен оңтүстік-шығысында нормадан 1°жоғары болады деп күтілуде.
Маусымдық ауа райы болжамы ауа температурасы мен жауын-шашын бойынша орташа алынған метеорологиялық көрсеткіштердің, қарастырылып отырған маусымдағы климаттық нормадан ауытқу (аномалия) ретінде көрсетілген сипаттамасы; оны консультативті ретінде пайдаланылуы тиіс, ол қысқа мерзімдіқ (тоқсандық маусымдық болжам, ай, онкүндік, апта және күн) болжамдармен нақтыланады.
