Жанпейісов ІІМ Қылмыстық-атқару жүйесі комитеті мен Ұлттық ұланның №6505 әскери бөлімінің Қарағанды және Ұлытау облыстары бойынша №62 мекемесінің қызметкерлеріне қатысты азаптау фактісі бойынша сотқа дейінгі тергеу аяқталғанын атап өтті.
"Мекеменің жеті қызметкері мен әскери бөлімнің төрт әскери қызметшісі, барлығы 11 қызметкер, осы мекемеде жазасын өтеп жатқан 11 сотталушыға қатысты қорқыту және зорлық-зомбылық қолдану арқылы азаптау жасағаны анықталды. Жасалған қылмыстық құқық бұзушылықтарды құқық қорғау органдарынан жасыру мақсатында лауазымды адамдар жоғары тұрған басшылыққа сотталғандардың мекеме мен әскери бөлім қызметкерлеріне бағынбағаны туралы хабарлады"Ерлан Жанпейісов
Тергеу барысында күдіктілерге қатысты бұлтартпау шарасы таңдалды. Олар сондай-ақ атқаратын лауазымдарынан уақытша шеттетілді.
"2024 жылғы 26 наурызда қылмыстық іс сотқа жіберілді", – деп қорытындылады Жанпейсов.
Қылмыстық іс жүргізу кодексінің 201-бабына сәйкес өзге де ақпарат жария етілуге жатпайды.
ҚР Конституциясының 77-бабы 3-тармағының 1-тармақшасына және қылмыстық іс жүргізу кодексінің 19-бабы 1-бөлігіне сәйкес әрбір адам қылмыстық құқық бұзушылық жасаудағы кінәсі сот үкімімен заңды күшіне енгенге дейін кінәсіз деп есептелінеді.
2023 жылғы 17 наурызда президент Қасым-Жомарт Тоқаев азаптаулардың, басқа да қатыгез, адамгершілікке жатпайтын немесе ар-намысты қорлайтын қарым-қатынас түрлерінің алдын алуға және сотталғандардың құқықтарын қорғауға бағытталған заңға қол қойды. Енгізілген өзгерістер адам құқықтарының сақталу шеңберін күшейтуге және сотталғандардың жағдайларын жақсартуға, олардың қауіпсіздігін арттыруға және түзету мен әлеуметтік оңалту мүмкіндігін қамтамасыз етуге арналған.
