Жалпы, Ораза айт намазы күн найза бойы көтерілгенде, яғни күн шыққаннан кейін 45 минут өткен соң мешіттерде оқылады. Елордадағы бас мешіт жамағатқа лық толы болды, деп жазады qazaqstan.tv.
Ал Қазақстан мұсылмандары діни басқармасының төрағасы, бас мүфти Наурызбай қажы Тағанұлы ел азаматтарын қасиетті Ораза айт мерекесімен құттықтап, бұл күндері сынақты күндерді бастан кешіп жатқан жұртымызға қол ұшын беріп, жүректеріне қуаныш ұялатуға шақырды.
"Жерлестерімізге қол көмегін берсек, материалдық көмектессек, өте үлкен сауап. Өйткені бұл күні барлық мұсылмандар қуану керек." Наурызбай Қажы Тағанұлы ҚМДБ төрағасы, Бас мүфти
