Оның айтуынша, мемлекеттік жоғары оқу орындарының ғимараттары ескірген.
"Мемлекеттік жоғары оқу орындарының ғимараттары ескірген. Көбі жарты ғасырдан астам уақыт бұрын салынған. Бұлардың ішіндегі ең жаңа дегені – 1982 жылы бой көтерген Ақтөбе мемлекеттік университеті.",- деді мемлекет басшысы.
Осы себептен де Тоқаев, Әл-Фараби атындағы Қазақ ұлттық университеті және Л.Гумилев атындағы Еуразия ұлттық университеті үшін жаңа ғимараттар, яғни кампустар салуды тапсырды.
Сондай-ақ, президент материалдық-техникалық базаны және басқа да жоғары оқу орындарын жаңғырту қажет екенін айтты.
"Университеттердің және зерттеу орталықтарының ескірген зертханаларын біртіндеп қалыпқа келтіру қажет"Қасым-Жомарт Тоқаев
Сонымен қатар, Тоқаев қазақстандық жоғары оқу орындарының әлсіз жақтарын атап өтті.
