Министрдің айтуынша, егер су тасқынынан зардап шеккен тұрғын үй қалпына келтіруге жарамсыз деп танылса, Үкімет екі тетікті бекітті.
"Әкімдіктердің шешімі бойынша осы өңірде зардап шегушімен келісілген таңдау бойынша пәтер сатып алынады немесе біз тұрғын үйді қайта саламыз. Бұл осы механизмнің икемділігін барынша қамтамасыз ету және адамдарды тұрғын үймен қамтамасыз етуді жеделдету үшін жасалады. Сатып алу құрылысқа қарағанда жылдамырақ екені анық. Жалпы, міндет қысқа мерзімде тұрғын үй салу және жазғы маусымда барлық адамдарды мүмкіндігінше тұрғын үймен қамтамасыз ету болып табылады", – деді Қанат Шарлапаев.
Бұл ретте ол су басу аймақтарында тұрғын үйді қалпына келтіру жоспарланбағанын атап өтті. Жаңа тұрғын үй су тасқынынан қауіпсіз жерлерде салынатын болады.
"Су басу орындарында тұрғын үйді қалпына келтіруді біз қолдамаймыз. Егер адамның өзі тұратын жерде қалғысы келсе де, біз су тасқыны аймағында тұрғын үйді қалпына келтірмейміз. Біз болашақта су тасқыны күтілмейтін жердегі тұрғын үйді қалпына келтіреміз", - деді Қанат Шарлапаев.
Сондай-ақ, тұрғын үйді техникалық куәландырудан және қорытындыдан кейін әкімдік жөндеуді өтеуге ақшалай қаражат бөлетінін немесе жөндеуді жергілікті атқарушы органдар таңдаған құрылыс компаниясы әкімдік есебінен жүргізетінін айтты.
Айта кетейік, Қазақстан Премьер-министрі Олжас Бектенов 23 сәуірде ҚР Үкіметінің отырысында су тасқынынан зардап шеккендерге бірінші кезекте қажетті заттарды сатып алу үшін қосымша өтемақы төленетінін айтты.
